Үндсэн хувилбар
Ажил горилогчийн зан араншинг судлах 10 асуулт
Ажил мэргэжил ба карьер · 10 сарын 25. 12:15 · 1,665

Төгс ажил горилогчийг илрүүлэх гайхалтай асуулт тоймгүй олон байдаг ч зарим асуулт нь тун энгийн байхад зарим нь  ямар утга агуулсан нь тодорхойгүй байдаг. Тэгвэл мэргэжлийн хүний нөөцийн ажилтны асуух дуртай асуултыг та мэдмээр байна уу?

Ажил горилогч нар таны өмнө төгс нэгэн болж харагдахын тулд асар их зөвлөгөө уншиж судалсан байдаг. Харин танд ажлын ярилцлагын үеэр л тухайн хүний зан араншин болон ажлын ёс зүйн талаар мэдэх богино хугацаа олдоно.

Biznetwork.mn нь хувь хүний хөгжил, карьер хөгжлийг дэмжих зорилгын хүрээнд явуулсан судалгаанд үндэслэн дараах 10 асуултыг хүргэж байна.

  1. Таны хийж байсан хамгийн хэцүү зүйл юу байсан бэ?
  2. Та амжилтыг юу гэж тодорхойлдог вэ?
  3. Ажлаа хийж байхдаа өөрчлөлт хэрэгтэй гэсэн бодолд автаж үзсэн үү? Энэ дүгнэлтэд хэрхэн хүрсэн мөн өөрчлөлт авчрах дэмжлэгийг хэрхэн олж авав?
  4. Шинэ ур чадварт суралцах шаардлага тулгарсан үеэс хуваалцана уу? Суралцах явц ямархуу байж, өөрийн талаар юу олж мэдэж, үр дүн нь ямар байв?
  5. Хамгийн сүүлд хэзээ олны өмнө яриа хийсэн эсвэл илтгэл тавьсан бэ?
  6. Энэ өдрийг хүртэл та өөрийн ямар амжилтаар хамгийн их бахархдаг вэ?
  7. Хэзээ нэгэн цагт өөрийгөө баатар мэт байж чадлаа гэж бодож байсан уу?
  8. Та ухаантай хүн үү? Эсвэл шаргуу ажилладаг хүн үү? Аль нь вэ?
  9. Хэрвээ сагсан бөмбөг, эсвэл хөл бөмбөг тоглох бол та аль байрлалд тогломоор байна?
  10. Танд хэцүү байгааг, эсвэл туслалцаа хэрэгтэй болсон гэдгийг би яаж мэдэх вэ?

Дээрх асуултад зөв эсвэл буруу хариулт гэж байхгүй бөгөөд тухайн хүний хариулт, хэлж буй байдлаас нь зан араншин болоод өөрийгөө танин мэдэх чадамжийг нь мэдэж болно.

ТУСЛАМЖ 7010 1132, (976) 8003 2200

БОРЛУУЛАЛТ МАРКЕТИНГ (976) 8005 2200

Монголын ажлын байрны цорын ганц вэбсайт.

Biznetwork.mn

Copyright © 2008-2018.