Одоогоор мэдэгдэл алга байна

Үндсэн хувилбар
"Ах" соёл таны бизнесийг хөнөөж байна уу?
Ажил мэргэжил ба карьер · 2 сарын 12. 12:08 · 2,279

Хүний нөөц, ажилтан шалгаруулах салбарт 15 жил ажиллахдаа тоймгүй олон компанийн хөлжих, дампуурахыг харлаа. Тэр тусмаа "ах" соёлтой байгууллагууд дампуурсан нь дэндүү олон.  Би ч гэсэн "ах" -н соёлд ажиллаж байлаа. Өөрийн туршлагаас харахад энэхүү гурван шинжийг цогцлоосон байгууллага хадан цохионы ирмэг чиглэн алхаж байдаг:

  1. Тогтмол шахуушоудах замаар ажилчдаа сэргээдэг. "The Wolf of Wall Street" хэмээх кино бол үүний төгс жишээ. Леонардо Ди Каприогийн бүтээсэн гол дүрийн залуу цагийг зугаатай өнгөрөөхөд донтсон нэгэн. Өөрийгөө болон баг хамт олноо үдэшлэг, шоугаар сэргээдэг. Үнэндээ бол энэ нь бодит байдал буюу үүссэн асуудлыг олж харахад саад болж, тулгарч буй асуудлыг түр холдуулж байсан. Үүнээс суралцах зүйл бол "Бүх зүйл нуран унахад цочирдох хэрэггүй. Өмнө нь байсан асуудал томорсоор байгаад ийм болсон".
  2. Орилох, хашхирах, хуруугаар заах нь ажилтны үзүүлэлтийг сайжруулах тохиромжтой арга. Хувь хүнийг олны өмнө гутааснаар тухайн хүн биеэ дайчилдаг. Гэхдээ энэ хугацаа богино байдаг нь харамсалтай. Үүнээс гадна ажлаас гарах магадлалыг нэмэгдүүлж (хүмүүс стресээс болж ажлаас гардаг), илэн далангүй байдлыг бууруулдаг. Дарга нь ичгэвтэр байдалд оруулдаг бол таагүй мэдээ дуулгах, алдаагаа зааж өгөх, шинэ санаанаас хуваалцахыг хүсэх хүн олдохгүй л болов уу.
  3. Тэдний бүлгэм сургуулийн сурагчдаас илүү дотно.Гадуур хамт хооллох, зугаалах, амралтын өдрийн түүхээ аминчлан хуваалцдаг хэсэг бүлэг хүмүүс 'бид ба чи' гэсэн соёлыг үүсгэдэг. Энэ нь яваандаа идэвхгүй атлаа түрэмгий зан байдал руу шилжинэ. Байгууллагын үндсэн мөнгөн тэмдэгтээр араар ярих, доош хийх хоёр тодорно. Ингээд л ажлын байр хов жив, сөрөг зүйл яригдсаар дүүрч эхэлнэ дээ.          

Хэрэв үүсгэн байгуулагч нь "ах" бол өөрчлөлтөд найдах хэрэггүй

Компани байгуулахын тулд өөрт итгэх итгэл асар их шаардана. Ер нь бол зоримог зан араншинтай хүмүүс хувийн бизнест хүч үзэж, "ах" -н соёлыг бүтээх нь элбэг. Өөрөөр хэлбэл танай дарга өөрөө "ах" бол өөрчлөлт горьдох хэрэггүй. Ядаж л танай байгууллагын цар хүрээ томорч, "ах" зангаас болж дарга тань асуудалд ортол өөрчлөлт явагдах нь үгүй.  

Сэтгэгдэл үлдээх



Мэдээний ангилал

ТУСЛАМЖ 7010 1132, (976) 8003 2200

БОРЛУУЛАЛТ МАРКЕТИНГ (976) 8005 2200

Монголын ажлын байрны цорын ганц вэбсайт.

Biznetwork.mn

Copyright © 2008-2018.