Бидний түүх

Манай компани нь анх 2014 онд Үл хөдлөх хөрөнгө зуучлал, Гадаад худалдааны чиглэлээр байгуулагдаж өдгөө Хэвлэл реклам, Барьцаалан зээлдүүлэх, Барилгын хуурай хольц үйлдвэрлэл худалдаа гэхчилэн салбар компаниуд байгуулж 5 чиглэлээр тасралтгүй үйл ажиллагаагаа явуулсаар байна.

Манай барилгын хуурай хольц нь 2015 оноос өнөөг хүртэл 50гаруй албан байгууллага болон хувь хүмүүстэй хамтран ажиллаж 1500гаруй ТН хуурай хольцын бүтээгдэхүүн үйлдвэрлэж харилцагч нартай хүргэн өгч ажилласаар байна

Бидний давуу тал

Манай үйлдвэр Гадна болон Дотор хар замаск, плитаны цавуу, хөөсөнцрийн цавуу, хөнгөн блокны цавуу, цагаан замаск, зэрэг 6 төрлийн бүтээгдэхүүн үйлдвэрлэж байна. Бүтээгдэхүүн тус бүр барилгын хуурай хольцод тавигдах MNS:6424-2013 болон MNS:5526-2005 стандартыг бүрэн хангасан байгаа.

Өөр улс оронд үйлдвэрлэсэн бараа бүтээгдэхүүн түүхий эд нь Монголын цаг уур, орчны нөхцөлд тэр бүр тохирч чаддаггүй. Тиймээс бид эх орныхоо түүхий эдээр бүтээгдэхүүн үйлдвэрлэж, импортоор авдаг бараа бүтээгдэхүүнийг дотооддоо үйлдвэрлэж эхэлсэн.

Бид эх орныхоо түүхий эдээр бүтээгдэхүүнээ үйлдвэрлэж байгаа. Түүүнчлэн гарал үүсэл нь тодорхойгүй, буух эзэн буцах хаяггүй бараа бүтээгдэхүүн худалдан авч хэрэглэнэ гэдэг бол тэр чигээрээ азанд найдсан хэрэг. Харин бид хэрэглэгчдэдээ чанар, баталгаа мөн ажлын хариуцлагыг амлаж чаддаг.