Бидний тухай:

“Эн Эн Жи Юу” ХХК нь 2009 оноос идэвхитэй үйл ажиллагаа явуулж гадаад дотоод худалдаа, зоогийн газар, рестораны чиглэлээр үйл ажиллагаа явуулж, барилга бүтээн байгуулалтын төсөл хөтөлбөрүүд боловсруулах, гүйцэтгэх, хөрөнгө босгох зэргээр бизнесээ өргөжүүлж өнөөг хүрсэн. Бид “Зүрх сэтгэлээсээ бүтээцгээе” уриан дор Эх орныхоо хөгжилд оюуны болон бүтээн байгуулалт, ажил олголтыг нэмэгдүүлж байна.

Бид нийт 30 гаруй Монгол үндсэн ажилтнуудтай бөгөөд 200 гаруй туслан гүйцэтгэгч аж ахуйн нэгж, байгуулагуудтай хамтарч Олон Улсын түвшинд хамтран ажиллах бүтээлч багийг бий болгох, Монгол Улсын барилга бүтээн байгуулалтын салбарт өөрийн гэсэн онцлог бүхий загварыг бий болгох зорилгыг өвөртөлж, өдөр бүр шинийг бүтээж байна.

Тиймдээ ч захиалагч оршин суугчдын ажиллаж, амьдрах тохилог орчинг бүрдүүлэх, орчин үеийн шинэ дэвшилтэт технологи, цаг уурын онцлогтой уялдуулсан хамгийн сонирхолтой шийдэл бүхий орон сууцыг санал болгосоноор хэрэглэгчдийн тоо нэмэгдэж байна. Энэ нь “Эн эн жи юу” ХХК –н барилгын чанарт илүү анхааран ажиллаж, 4 улирлын турш ажиллах боломжийг эрэлхийлж энэ чиглэлээр хөрөнгө оруулах ажлуудыг эхлүүлээд байгааг дурьдахад таатай байна.

Ингэснээр орон сууц бүтээн байгуулалтын ажлыг илүү бүтээлч, чанартай байдлаар жилийн 4 улирал явуулах мөн тасралтгүй үйлдвэрлэлийн хэлбэрээр барилгын салбарт хөгжүүлсэнээр үнийг тогтвортой явуулах боломж бүрдүүлж, чанар нэмэгдэж цаашдаа бусад аж ахуйн нэгж байгууллагуудад нийлүүлэх боломжтой бүтээгдэхүүн үйлдвэрлэх боломж бүрдэх юм. Өөрөөр хэлбэл бид цаашдаа Олон улсын стандартын шаардлага хангасан барилгын материалыг хамтран үйлдвэрлэх, бүс нутгийн орнуудын барилгын байгууллагуудаас туршлага судлан, хамтран ажиллаж цаашид дэлхийн стандартад нийцсэн барилга үйлдвэрлэл, угсралтын ажлыг гүйцэтгэх зорилтуудыг тавин ажиллаж байна.

Манай компани өнгөрсөн хугацаанд хийж бүтээсэн үйлсээрээ эх орныхоо хөгжил дэвшилд бодитой хувь нэмрийг оруулж чадсаны нотолгоо нь хүний нөөцийн хувьд 60-с илүү хувь нь Монгол улсын зөвлөх инженер, тэргүүлэх инженер, тэргүүний барилгачин, барилгын салбаруудын техникийн ухааны магистр цол зэрэгтэй шилдэг инженерүүд, барилгын төрөл бүрийн мэргэжлийн 3, 4 дүгээр зэрэгтэй болон мэргэшсэн борлуулалтын болон маркетингийн тэргүүлэгч зөвлөх багийг бүрдүүлж нэг хөрөнгө оруулалттай үндэсний томоохон татвар төлөгч байгууллага болж өргөжиж байна. Тиймдээ ч өдөр бүр цаг үеийн шаардлагад нийцсэн төслийг хэрэгжүүлэхэд бэлэн болж бүтээлч төслүүд шил шилээ даран хүлээж байна.

Үйл ажиллагааны чиглэл:

Монгол Улсын Засгийн Газраас хэрэгжүүлж буй 100 мянган айлын орон сууцны хөтөлбөрийн хүрээнд хамрагдан үүний эхлэл болгон бид 2011 оны сүүлээр Залуу гэр бүлийг орон сууцжуулах хөтөлбөрийг 1 – 4 үе шаттайгаар хэрэгжүүлэх хөтөлбөр боловсруулж өөрийн хөрөнгөөр 2012-2013 онд “Залуу гэр бүл-1” үйлчилгээний төвтэй 36 айлын орон сууцыг ашиглалтанд оруулсан.

Тус хөтөлбөрийн хүрээнд бид мэргэшсэн удирдлагын баг, хамт олныг туршлага мэдлэгээр удирдаж, чин сэтгэлийн бүтээлч хандлагаар 2014 онд Гэр хорооллын дахин төлөвлөлтийн ажлын хүрээнд “Залуу гэр бүл-2” үйлчилгээний төвтэй 216 айлын орон сууцны барилга, 2020 онд Майхан толгойд байрлалтай "Pearl village" таун хаусны төсөл, 2021 онд "Icon center" үйлчилгээний төвийг барьж ашиглалтанд оруулаад байна.

Мөн Сонгинохайрхан дүүрэг, 21-р хороо, Ар гүнтэд байрлалтай, Nature Villages-Ar gunt 36 айлын Монголын анхны пассив хаусыг 2022 оны 06 сард ашиглалтанд оруулахаар ажиллаж байна.

Цаашид бид Монголын томоохон хөрөнгө оруулагчид болон тэргүүлэх зэргийн банк санхүүгийн байгууллагын итгэл, Монгол Улсын шинэ засгийн газрын бүтээн байгуулалтын ажлын хүрээнд хөгжлийн хурдасгуур, бүтээн байгуулагчдын нэг болохоо хэдийнээ батласанаа нотлон урам зоригтойгоор ажиллаж байна.