Элэгний төв нь Монгол улс дахь элэгний эмгэг өвчинтэй тэмцэх, вирүст хепатитыг эрт илрүүлэн эмчлэх, улмаар элэгний хавдар, хатуурлын шалтгаант нас баралтыг эрс бууруулах, С вирүст хепатитыг бүрэн устгах зорилго бүхий ашгийн бус, нийгэм олон нийтэд чиглэсэн, элэг судлалын эрдэм шинжилгээний, оношилгоо эмчилгээний цогцолбор төв юм.

Элэгний төв эмнэлэг нь 2014 онд үүсгэн байгуулагдаж 2015 оны 1 дүгээр сарын 1-нд үйл ажиллагаагаа эхлүүлэн амжилттай ажиллаж байна.

Манай эрдэмтэн судлаачид элэг судлалын чиглэлийн олон улсын хурал чуулганд тогтмол оролцож судалгааны ажлын үр дүнгээ дэлхий нийтийн сонорт хүргэсээр байна. Өнгөрсөн 3-н жилийн хугацаанд нийт 20 гаруй удаа олон улсын хурал чуулганд оролцож 70 орчим ханын болон аман илтгэл хэлэлцүүлж Монгол улс дахь вирүст хепатитын гамшгийг дэлхий нийтийн анхаарлын төвд оруулж, шинэ технологи эмчилгээг цаг алдалгүй нутагшуулан эхлүүлэхийг эрмэлзэн ажилладаг.

Манай байгууллага одоогооор 30 орчим ажилтан албан хаагчидтай ба ЗАЛУУСЫН ЭРЧ ХҮЧ ЭРМЭЛЗЭЛ ТӨГС БАЙДЛЫГ АХМАД ҮЕИЙН МЭДЛЭГ ТУРШЛАГАТАЙ ХОСЛУУЛСАН БҮТЭЭЛЧ НӨХӨРСӨГ ХАМТ ОЛОН та бүхэнийг хүлээж байна.