2024 он гарч, албан байгууллагууд жилийн тайлан, төлөвлөгөөгөө эцэслэж байгаа энэ цаг үед ХБНГУ-ын үндэсний агаарын тээвэрлэгч Луфтханза Групп компани энэ онд нийт хэчнээн ажилтнаар бүл нэмэхээр төлөвлөж буйгаа зарлажээ.
Төлөвлөгөө ёсоор тэд дор хаяж 13 мянган хүнийг шинээр ажилд авах бөгөөд тэдний дийлэнх нь агаарын хөлгийн бүхээг, мэдээлэл технологийн салбар хийгээд техникийн үйлчилгээ үзүүлэгч салбаруудад ажиллах гэнэ. Мөн тэдний зарласнаар шинэ ажилтнуудын зарим нь Франкфурт болон Мюнхен хотууд дахь нисэх буудалд газрын үйлчилгээ, маркетинг хариуцна гэсэн юм.
Луфтханза Групп компанийн хувьд өнгөрөгч онд мөн адил 13 мянган хүнийг шинээр ажилд авсан билээ.
Өдгөө тус групп нь олон улсад нийт 95,000 хүнийг ажлын байраар хангаж байгаа бөгөөд нийт 90 гаруй улсад үйл ажиллагаагаа явуулж байгаа юм. Хэрэв та тус компанид ажил горилохоор сонирхож байвал www.lufthansagroup.careers. хуудаст зочлоорой!
Эх сурвалж: Lufthansa Group